50 миң доллар пара менен кармалган чиновниктин өмүр баяны (фото)

Транспорт жана жолдор министринин орун басары Азимкан Жусубалиев 50 миң доллар пара алып жаткан жеринен колго түштү. УКМК тараткан маалыматына караганда, ал акча "Бириктирүүчү жолдор, 1 жана 3 ЦАРЭС коридору, Эпкин-Дыйкан тилкеси" (Башкууганды 89,5-159,2 чакырымдары) долбоору боюнча тендерде чет өлкөлүк компаниялардын биринин кызыкчылыгын көздөө максатында алынып жаткан. "Жусубалиев ал компаниядан жалпы жонунан пара катары 520 миң доллар сурап, буга чейин 120 миң долларын колуна алган", - дейт УКМК.

Азимкан Жусубалиев аталган кызмат ордуна 2017-жылдын февралында ошол учурдагы өкмөт башчы Сооронбай Жээнбековдун кол койгон буйругу менен келген.

Ал 1965-жылы 26-мартта Ош облусуна караштуу Алай районунун Гүлчө айылында туулган. 1987-жылы Фрунзе шаарындагы политехникалык институтун автомобиль транспортторун башкаруу боюнча инженер адистигин аяктаган.

Эмгек жолу:

1987-1988-жылдары Кыргыз ССРнин Транспорт министрлигинин жана шоссе жолдорунун Түштүк автотрестинин №2915-аскерлешкен автоколонналык тилкесинин мастери;

1988-1991-жылдары Кыргыз ССРнин Транспорт министрлигинин Кызыл-Кыядагы жүк ташуучу унаалардын автобазасынын бөлүм башчысы, тилкенин мастери;

1991-жылы Кызыл-Кыя шаардык аткаруу комитетинин уюштуруу иштери боюнча инструктору;

1991-2003-жылдары Кыргыз Республикасынын Транспорт жана коммуникациялар министрлигинин бөлүм башчысы, 2915-аскерлешкен автоколоннанын башкы инженери;

2003-2004-жылдары ӨКМнын жана Экология министрлигинин өндүрүштүк-техникалык башкармалыгынын жетектөөчү адиси;

2004-2006-жылдары Экономикалык өнүгүү жана соода министрлигинин Ош шаарындагы башкармалыгынын башчысынын орун басары;

2006-жылы Экономика жана финансы министрлигинин Ош шаардык башкармалыгынын бөлүм башчысы;

2006-2008-жылдары Ош шаарынын мэриясынын экономика жана финансы бөлүмүнүн башчысы;

2008-2009-жылдары өкмөттүн уюштуруу-инспекторлук иштер жана аймактык мониторинг боюнча бөлүмдүн башчысы;

2010-жылы өкмөттүн Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин аймактар менен кызматташуу бөлүмүнүн башчысы, директордун кеңешчиси;