Бурулайдын өлүмүнө шектүү Марс Бөдөшовду өмүр бою эркинен ажыратуу суралды

Милиция бөлүмүндө бычакталган Бурулай Турдали кызынын өлүмү боюнча Свердлов райондук сотунда бүгүн, 10-декабрда соттук отурум уланууда.

Соттук процессте жарыш сөз сүйлөнүүдө.

Буга чейин мамлекеттик айыптоочунун Марс Бөдөшовдун иши боюнча 23 жыл жаза чектөөсүн судьядан суранган. Ал эми жабырлануучулардын жактоочулары бул жаза аз болуп калгандыгын айтып, айыпталуучу Марс Бөдөшовду өмүр бою эркинен ажыратууну суранды.

Жактоочулар Марс Бөдөшов сот залында күнөөнү моюнга албай койгондугун жана жалпы сот залында отурган жакындарынан кечирим сурабай койгондугун баса белгиледи.

Ал эми маркум Бурулайдын атасы Турдали Кожоналиев дагы Марс Бөдөшовду өмүр бою эркинен ажыратууну суранды. "Мен кызымдын көкүрөгүнө жазылган жазуунун чындыгына жете алган жокмун" деди ал.

Ал эми учурда айыпталуучу тараптын жактоочусуна жарыш сөз берилди.