Ысык-Көл. Түп районунда биринчи жолу май алынуучу сафлор өсүмдүгү өстүрүлүп жатат

Түп районунун Маяк айылына 100 гектар жерге май алынуучу сафлор өсүмдүгү өстүрүлүүдө. Бул тууралуу райондун акими Ишен Кожалиев 16-июлда билдирди. Айтымында, бул өсүмдүктүн майлуулугу 20-25 пайыз. Аким өз сөзүндө: "Сафлор ысыкты сүйгөн өсүмдүк. Быйыл биринчи жолу өстүрүп жатабыз, түшүмдүүлүгү жогору болот деген ишеничтебиз",- деп белгиледи. Кошумчалай кетсек, сафлор майы тамак-ашка колдонулат.