ЖЫЛНААМА, 11-ДЕКАБРЬ: Кыргыз Республикасынын Куралдуу күчтөрүнүн Башкы штабынын башчысы Райимберди Дүйшөнбиев 44 жашка чыкты

Кыргыз Республикасынын Куралдуу күчтөрүнүн Башкы штабынын башчысы Дүйшөнбиев Райимберди Сейдакматович Жалал-Абад облусунун Ноокен районуна караштуу Бүргөндү айылында 1974-жылы 11-декабрда туулган.

1995-жылы Казакстандын Алматы шаарындагы Чек арачылардын жогорку командалык окуу жайын бүтүргөн.

2007-жылы Орусия Федерациясындагы Коопсуздук кызматы федерациясынын Чек ара академиясын бүтүргөн.

Аскердик жолун Орусия Федерациясынын Федералдык чек ара кызматынын Кыргыз өлкөсүндөгү өзүнчө тобу болгон Нарын чек ара отрядында "Торугарт" чек ара тозотунун (застава) башчысынын орун басары кызматы менен баштаган.

1997-2011-жылдары ар түрдүү офицердик жана жетектөөчү кызматтарда иштеген.

2011-жылдын августунда Кыргыз Республикасынын Чек ара мекемесинин жетекчисинин орун басары болуп дайындалган.

2013-жылдын ноябрынан 2014-жылдын февралына чейинки аралыктарда Мамлекеттик чек ара кызматынын төрагасынын милдеттерин убактылуу аткарган.

2014-жылдын 22-февралынан баштап Кыргыз Республикасынын Мамлекеттик чек ара кызматын жетектеген.

2016-жылдын 11-майынан тарта Кыргыз Республикасынын президентинин жарлыгы менен Куралдуу күчтөрдүн Башкы штабынын башчысы болуп дайындалган.

Үй-бүлөлүү, үч уулдун атасы.

11-декабрдын жылнаамасы