Контрабандалык жол менен 3 тонна сырды Казакстанга алып чыгууга аракет кылган жаран кармалды

15-июлда контрабандалык жол менен сырды Кыргызстандан алып чыгууга аракет кылган жаран кармалды. Бул тууралуу Чек ара кызматы билдирди. Маалыматка ылайык, Талас облусундагы “Чоң-Капка” чек ара бекетинде тиешелүү эмес жерден өтүп кетүүгө аракет кылган ГАЗ-53 үлгүсүндөгү унааны чек арачылар токтотушкан. Кыргызстандан Казакстанга багыт алган унаада контрабандалык жол менен ташылып бара жаткан 3 тонна сыр болгон. Тиешелүү документтер толтурулган соң жүк жана унаанын айдоочусу укук коргоо органдарына өткөрүлүп берилди.