Чемпиондор Лигасы: "Атлетико Мадрид" - "Ювентус", "Лион" - "Барселона". Жарым чейрек финалда беттеше турган командалар белгилүү болду

Бүгүн, 17-декабрда Швейцариянын Ньон шаарында Чемпиондор Лигасынын чүчү кулак аземи өттү. Анда жарым чейрек финалда ойной турган командалар белгилүү болду.

Чүчү кулактын шарттарына ылайык, тайпадан биринчи болуп чыккан командалар, бир өлкөнүн чемпионатында жана бир тайпада ойногон командалар бири-бирине каршы ойной алышпайт.

"Шальке" - "Манчестер Сити"

"Атлетико Мадрид" - "Ювентус"

"Манчестер Юнайтед" - ПСЖ

"Тоттенхем" - "Боруссия Дортмунд"

"Лион" - "Барселона"

"Рома" - "Порту"

"Аякс" - "Реал Мадрид"

"Бавария" - "Ливерпуль"

Аталган жуптар өз үйүндө жана конокто беттеш өткөрүп, 2 оюндун жалпы жыйынтыгы менен жеңүүчү болгон команда кийинки этапка өтөт. Алгачкы оюндар 12-13-февралда жана 19-20-февралда өтсө, жооптук беттештер 5-6-мартта жана 12-13-мартта болот.

Чемпиондор Лигасынын финалы 1-июнда Мадрид шаарындагы "Ванда Метрополитано" стадионунда орун алат.