Европа Лигасы: 1/16 финалда "Челси" "Мальмёго", "Арсенал" БАТЭге каршы ойнойт

Бүгүн, 17-декабрда УЕФАнын Европа Лигасынын плей-офф баскычына чүчү кулак ташталып, атаандаштар аныкталды.

Бул баскычта 12 тайпада алдыңкы 2 орунду ээлеген 24 команда жана Чемпиондор Лигасында 3-орунду ээлеп, тайпадан чыга албай калган 8 команда бар. Алар тайпадан биринчи орунду алган командалар, Чемпиондор Лигасы аркылуу келген 4 мыкты команда жана тайпадан 2-орунду алган командалар жана Чемпиндор Лигасынан келген 4 команда болуп 2 топко бөлүндү.

Чүчү кулактын шарттарына ылайык, 1 топтогу командалар, бир өлкөнүн командалары жана 1 тайпада ойногон командалар бири-бирине каршы ойной албайт. Ошондой эле коопсуздук маселелери эске алынып, орусиялык жана украиналык командалар бири-бири менен беттеше албайт.

1/16 финалынын жуптары:

"Виктория" - "Динамо Загреб "

"Брюгге" - "Ред Булл Зальцбург"

"Рапид" - "Интер"

"Славия" - "Генк"

"Краснодар" - "Байер"

"Цюрих" - "Наполи"

"Мальме" - "Челси"

"Шахтёр" - "Айнтрахт"

"Селтик" - "Валенсия"

"Ренн" - "Бетис"

"Олимпиакос" - "Динамо Киев"

"Лацио" - "Севилья"

"Фенербахче" - "Зенит"

"Спортинг" - "Вильярреал"

БАТЭ - "Арсенал"

"Галатасарай" - "Бенфика".

Европа Лигасынын 1/16 финалдык беттештеринин алгачкы оюндары 14-февралда, жооптук беттештер 21-февралда болот. Финалдык беттеш 29-майда Азербайжандын Баку шаарындагы "Олимпийский" стадионунда орун алат.