Футболчу Валерий Кичин Кыргыз курамасынын машыгуу жыйындарына кошулду

Футболчу Валерий Кичин Кыргыз улуттук курама командасынын машыгуу жыйындарына кошулду. Бул тууралуу SUPER.KG порталына футбол федерациясынан кабарлашты.

Орусиялык "Енисей" футболдук клубунун оюнчусу Валерий Кичин бүгүн, 18-декабрда улуттук курама команданын Катардагы окуу-машыгуу жыйындарына кошулду.

Белгилүү болгондой, Валерий Кичин 2017-жылдын октябрь айынан бери футбол боюнча Кыргыз улуттук курамдын катарында ойногон эмес.

Кыргыз улуттук курама командасы 7-декабрдан тарта Катардын Доха шаарында Азия Кубогуна даярдануу максатында окуу-машыгуу жыйындарын өткөрүүдө. Жыйындарга башкы машыктыруучу Александр Крестинин 28 футболчуну чакырган. Жыйындардын алкагында Кыргыз улуттук курама командасы Палестина, Катар жана Иордания курама командалары менен жолдоштук беттеш өткөрөт.