Дональд Трамп Давосто өтчү Дүйнөлүк экономикалык форумга катышат

АКШнын президенти Дональд Трамп Швейцариянын Давос шаарында өтчү Дүйнөлүк экономикалык форумга катышат. Бул тууралуу Трамптын басма сөз катчысы Сара Сандерс билдиргенин дүйнөлүк басылмалар жазышууда.

Маалыматка караганда, аталган форум 2019-жылы да 22-25-январда өтөт.

Азырынча Орусия президенти Владимир Путиндин аталган иш-чарага катышары чечиле элек.

2018-жылы өткөн Давос форумуна ошол учурдагы премьер-министр Сапар Исаков катышкан. Анда ал Колумбия университетинин улук аткаруучу вице-президенти Жеральд Росберг, Индиянын мамлекеттик тышкы иштер министри Мушабар Жавад Акбар, Грузиянын премьер-министри Георгий Квирикашвили, Эстониянын премьер-министри Юри Ратас, Армениянын премьер-министри Карен Карапетян, Орусия өкмөтүнүн төрагасынын орун басары Аркадий Дворкович жана башкалар менен жолуккан.