Өкмөт: "Коопсуз шаар" ишке аша баштаганда айып пул төлөөдө башаламандык болот"

"Акылдуу шаар" менен “Коопсуз шаардын" айырмасы кандай?" Мындай суроо менен депутат Алтынбек Жунус уулу биринчи вице-премьер-министр Кубатбек Бороновго кайрылды.

Жунус уулу жол эрежеси бузулган учурда айып кагазы кимге барарын сурады.

"Атайын кагаз автоунааны айдап бараткан адамга барабы же анын ээсинеби?" деди депутат.

Боронов долбоордун башында ушул маселеде башаламандык болушу күтүлүп жатканын айтты.

"Коопсуз шаар" - "Акылдуу шаар" долбоорунун бир бөлүгү. Айып кагазы автоунаанын ээсине барат. Биз автоунаанын өз ээсине жаздыруу үчүн жеңилдетилген мөөнөт бердик. Ошол убакытта 300 миңдей жаран кайрадан каттоодон өттү. Бирок алдыда мындай башаламандык сөзсүз болот. Биз болушунча кайра каттоодон өткөрүүгө чакырып, маалымат тараттык", - деди ал.