Бүгүн футбол боюнча Кыргыз улуттук курама командасы Иордания менен беттешет

Бүгүн, 20-декабрда футбол боюнча Кыргыз улуттук курама командасы Азия Кубогуна даярдануу максатында Иордания курамасы менен жолдоштук беттеш өткөрөт.

Белгилүү болгондой, Кыргыз улуттук курама командасы 7-декабрдан тарта Катардын Доха шаарында окуу-машыгуу жыйындарын өткөрүп жатат. Анын алкагында курама команданын 3 жолдоштук беттеши пландалган. Бүгүн Кыргыз улуттук курама командасы Иордания менен беттешсе, 25-декабрда Катар курамасы менен, ал эми 31-декабрда Палестина курама командасы менен беттешет.

Эки тараптын келишими боюнча бүгүнкү беттеш жабык түрдө өтөт.

Азия Кубогу 2019-жылы 5-январь-1-февраль аралыгында Бириккен Араб Эмираттарында өтөт. Анда тайпалык баскычта Кыргыз улуттук курама командасы Түштүк Корея, Кытай жана Филиппин курамалары менен кездешет.