Бишкекте жолбун иттерди кармап, кафелердин бирине сатып жүргөн жарандар кармалды

Бишкекте жолбун иттерди кармап, этке сатып жүргөн жарандар кармалды. Бул тууралуу бүгүн, 17-июлда Чүй ОИИБинин басма сөз кызматы билдирди. Маалыматка ылайык, Сокулук РИИБине Арча-Бешик конушунда болжол менен 20-25 жаштагы 3 жаран жолбун иттерди кармап кетип жаткандыгы тууралуу маалымат келип түшкөн. Бул маалыматты тактоо үчүн милиция кызматкерлери аталган жерге барышып, 21, 22, 30 жаштагы 3 жаранды кармашкан. Белгилүү болгондой, бул жарандар жолбун иттерди кармашып, корей кафесине этке өткөрүп жүрүшкөн. Учурда бул маалымат такталып, иликтөө иштери жүргүзүлүүдө.