Бүгүн Жогорку Кеңештин 80 жылдыгы белгиленүүдө

Бүгүн, 21-декабрда Жогорку Кеңештин 80 жылдыгы белгиленип жатат. Иш-чара сүрөт көргөзмөсү жана парламенттин 80 жылдыгына арналган документалдуу хронологиялык фильмди көрсөтүү менен башталды.

Жогорку Кеңештин вице-спикери Мирлан Бакиров парламенттин 80 жылдыгын илимий-практикалык конференция жолу менен өткөрүү макулдашылганын билдирди.

"Кыргыз мамлекетиндеги элчилик өкүлдөрүнөн, буга чейинки парламенттин ардагер депутаттары, Кыргыз Эл баатырлары чакырылган. Ал эми сырттан коноктор чакырылган жок. Иш-чарада парламенттин келечегин өркүндөтүү боюнча илимий баяндамалар болот", - деди Бакиров.

Иш-чаранын жүрүшүндө жыйындар уюштурулуп, парламент тарыхын чагылдырган китептин бет ачары болот.

Мааракеге бюджеттен акча каралган эмес, өнөктөштөрдүн жардамы менен өткөрүлүп жатканы маалымдалды.