Кыргызстанда "Аялдардын ишкердигин өнүктүрүү" долбоору боюнча макулдашуу каты ратификацияланды

Президент Алмазбек Атамбаев "Бишкек шаарында 2013-жылдын 23-майында кол коюлган "Аялдардын ишкердигин өнүктүрүү" долбоору боюнча КРнын өкмөтү менен Азия өнүктүрүү банкынын ортосундагы макулдашуу катын ратификациялоо жөнүндө" КРнын мыйзамына кол койду.Мыйзам Жогорку Кеңеш тарабынан 2013-жылдын 27-июнунда кабыл алынган. Мыйзамга ылайык, КРнын Каржы министрлигине көрсөтүлгөн макулдашуу каттын күчүнө кириши үчүн зарыл болгон ички мамлекеттик жол-жоболор Кыргызстан тарабынан аткарылганы жөнүндө Азия өнүктүрүү банкына кабарлоо тапшырмасы берилди. Мыйзам расмий жарыяланган күндөн тартып күчүнө кирет.