Дүйнөлүк Универсиада аяктап, Кыргызстан 26-орунду ээледи

Кыргызстан курама командасы Татарстандын Казань шаарында өткөн Дүйнөлүк Универсиадада командалык эсепте 26-орунду ээледи. Кыргызстандын спортчулары 2 алтын, 2 күмүш, 8 коло медаль алышты. Универсиаданын жыйынтыгы боюнча алдынкы үчтүккө Орусия, Япония жана Кытай кирди. Орусия 155 алтын, 75 күмүш, 62 коло медаль, Кытай 26 алтын, 29 күмүш, 22 коло медаль, Япония 24 алтын, 28 күмүш, 32 коло медаль багынтты. Ал эми Казакстан 30 медаль менен 19-орунду, Өзбекстан 19 медаль менен 22-орунду, Түркмөнстан 14 медаль менен 25-орунду алды.