Астротөлгө: 6-январь күнү төрөлгөндөр бир эле учурда катаал жана назик мүнөздүү болушабы?

6-январда төрөлгөндөргө парадокс эсептелген катуулук жана назиктик мүнөздүү. Бир көрүнүштө мүнөзү катаал болгону менен чындыгында көңүлү бош, идеалист болушат.

Искусствонун түрлөрүнүн ичинен поэзияны баалашат. Майдадан эң жогорку баскычты көздөй умтулуп, алгач ой калчап, андан мазмун тапканга аракеттенишет.

Уккан, көргөн-билген окуя, нерселердин баарын анализдөө менен чечим чыгарып, өзүн ааламдын бир бөлүгү катары сезет.

Баштаган ишине баш-оту менен берилип, майын чыгара иштейт.

Шакирт тарбиялоого жөндөмдүү келип, чогулткан тажрыйбасы менен бөлүшүүнү максат кылышат.