Супер-Инфо
super.kg видео
ЭЛДИК КАБАР: "Ноокен айыл өкмөтүндө электр чубалгылары кишинин башына илинип кала тургандай ылдый" дейт окурман
Ноокен районунун Ноокен айыл өкмөтүндөгү Параканда айылында электр чубалгылары адам бою менен тең болуп бошоп калган. Мындай маалыматты окурман "ЭЛДИК КАБАРГА" билдирип, анын адамдарга коркунуч жаратып жатканын айтат.
"Эки мамынын ортосунан өтсөң башың зымга тийчүдөй. Кар калың жаай турган болсо үзүлүп жерге түшүп кала турган. Бул жер калктуу аймак болгондон кийин бала-бакыра, мал-жан өтөт. Атчан адамдар жүрөт. Ылдыйлап бошоп калган зымга байкабай моюнунан илинип калса эмне болот? Жергиликтүү электриктерге айтсак, келип көрүп кетишкен, бирок жыйынтык боло элек. Ошондой эле электр мамыларынын баары Советтер Союзу мезгилинен бери келе жатат, эскирип чирип калган", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |