Аламүдүн районунда азык-түлүк дүкөнүнүн кампасынан чыккан өрт 8 саатта толук өчтү

Аламүдүн районундагы "Шекер" азык-түлүк дүкөнүнүн кампасынан чыккан өрт өчүрүлдү. Бул тууралуу SUPER.KG`ге Өзгөчө кырдаалдар министрлигинин басма сөз кызматы кабарлады.

Белгилүү болгондой, учурда тилсиз жоонун келип чыгуу себептери аныкталууда.

"Дүкөндүн кампасынан чыккан өрт кечээ, 7-январда саат 23:00дө толук өчүрүлдү. Кырсыктан жабыркагандар жок. Жалпысынан 500 чарчы метрге жакын аянт күйгөн. Азыркы учурда тилсиз жоонун келип чыгуу себептери жана чыгымдардын суммасы аныкталууда", - деди басма сөз катчы.

Белгилей кетсек, "Шекер" дүкөнүнөн чыккан өрт тууралуу маалымат 7-январь күнү саат 15:57де ӨКМнын нөөмөт бөлүмүнө келип түшкөн. Тилсиз жоону өчүрүүгө 4 өрт өчүрүү бөлүмү жана 6 куткаруучу тартылган.