"Эмнеге ыйлап жатасың?" Владимир Путин президенттик кортежди токтотуп, жол четинде ыйлап турган кичинекей кыз менен сүрөткө түштү

Орусия президенти Владимир Путин Санкт-Петербургда жол четинде ыйлап жаткан кичинекей кыз менен сүрөткө түштү. Бул тууралуу чет элдик басылмалар жазып чыгышты.

Маалыматка караганда, кичинекей кыз Путин менен сүрөткө түшүүнү каалап ыйлаган, президент аны көрүп кортежден түшкөн. Путин кичинекей кызга "ыйлаба, эмнеге ыйлап жатасың?" деп кайрылган.

Интернетке тараган видеодон Путиндин бир нече жолу сүрөткө түшүп, кайра сапарын улаганын байкоого болот.