"Коопсуз шаардын" алкагында Бишкекке орнотулган алгачкы камера тесттик режимде иштей баштады

"Коопсуз шаар" долбоорунун алкагында борбор калаанын Бөкөнбаев-Абдрахманов көчөлөрүнүн кесилишине орнотулган алгачкы камералар тесттик режимде иштетиле баштады. Бул тууралуу Бишкек шаардык мэриясынын маалымат кызматы кабарлады.

Маалыматка ылайык, долбоорду ишке ашыруунун биринчи этабында ушул жылдын 10-февралына чейин баш калаадагы он жерге атайын видеокөзөмөл жабдыктары орнотулат. Камералар күнү-түнү иштейт. Жабдыктар орнотулган көчөлөрдүн кесилиштеринин инфраструктурасы толугу менен иретке келтириле турганы жазылат маалыматта.

"Коопсуз шаар" долбоорун ишке ашыруу 4 этап менен жүрөт. Экинчи этап ушул жылдын март айынан башталат", - деп билдирет мэриянын маалымат кызматы.

2019-жылдын 10-февралына чейин видеокөзөмөл камералар орнотула турган даректер:

Бөкөнбаев-Абдрахманов,

Жибек Жолу - Жаш Гвардия бульвары,

Чүй-Фучик

Чүй-Бейшеналиева,

Жибек Жолу-Фучик,

Чүй-Жаш Гвардия бульвары,

Жибек Жолу-Абдрахманов,

Чүй-Курманжан датка,

Москва-Абдрахманов,

М.Горький-7 апрель көчөлөрүнүн кесилишине коюлуусу пландалууда.