Азия Кубогу: Алгачкы турда Кыргыз-Кытай беттешине эң аз көрүүчү келди

Бириккен Араб Эмираттарында өтүп жаткан Азия Кубогунун 1-турунда Кыргыз менен Кытай курама командаларынын беттешине эң аз көрүүчү келди.

Белгилүү болгондой, Кыргыз-Кытай беттеши 7-январь күнү БАЭнин Аль-Айн шаарындагы "Халифа Бин Зайед" стадионунда орун алган. 16 миң күйөрман бата турган стадионго 1 миң 839 көрүүчү гана келди. Ал эми 1-турдагы эң көп көрүүчү катышкан беттеш БАЭ менен Бахрейн болду. Анда 43 миң орун бар стадионго 33 миң 878 көрүүчү келди.

Жалпы эсепте 1-турда 93 миң 708 көрүүчү келген, бирок көбүнчө беттештерде көрүүчүлөрдүн саны 10 миңге жеткен эмес.

1-турда көрүүчүлөрдүн саны:

• БАЭ-Бахрейн - 33 миң 878 көрүүчү;
• Өзбекстан-Оман - 9 миң 424 көрүүчү;
• Сирия-Палестина - 8 миң 471 көрүүчү;
• Катар-Ливан - 7 миң 847 көрүүчү;
• Япония-Түркмөнстан - 5 миң 725 көрүүчү;
• Иран-Йемен - 5 миң 301 көрүүчү;
• Сауд Арабия-Түндүк Корея - 5 миң 75 көрүүчү;
• Австралия-Иордания - 4 миң 934 көрүүчү;
• Ирак-Вьетнам - 4 миң 779 көрүүчү;
• Таиланд-Индия - 3 миң 250 көрүүчү;
• Түштүк Корея-Филиппин - 3 миң 185 көрүүчү;
• Кыргыз-Кытай - 1 миң 839 көрүүчү.