Супер-Инфо
super.kg видео
Азия Кубогунда футбол боюнча Кыргыз курама командасы Түштүк Корея курамасына 0:1 эсебинде жеңилип калды
Азия Кубогунда кечээ, 11-январда футбол боюнча Кыргыз улуттук курама командасы Түштүк Кореяга жеңилип калды. Беттеш Бириккен Араб Эмираттарынын Аль-Айн шаарында орун алып, ага Катар мамлекетинен келген адис Хаммис Мухаммед Аль-Марри башкы калыс болду.
Футбол боюнча Кыргыз курама командасында - дарбазачы Кутман Кадырбеков, коргоочулар - Валерий Кичин (капитан), Тамирлан Козубаев, Даниэл Тэго, жарым коргоочулар - Азиз Сыдыков, Эдгар Бернхард, Бекжан Сагынбаев, Кайрат Жыргалбек уулу, Фархат Мусабеков, Ахлидин Исраилов, Мирлан Мурзаев ойношту.
Жалпысынан алганда, беттеште кыргыз спортчулары жакшы оюн көрсөтүшүп, өз күйөрмандарынын келечекке болгон ишенимин жаратты. Оюндун 41-мүнөтүндө кореялык футболчулар Кыргыз курама командасынын дарбазасына гол киргизип, эсепти 1:0 кылды. Оюндун 2-бөлүгүндө кызуу беттеш жүрүп, бирок атаандаштар гол киргизе алышкан жок. Анткени менен бир нече жолу 2 тарапка тең кооптуу абалдар жаралып жатты.
Беттешти стадиондо 4 миң 893 көрүүчү көрдү. Чынында бул беттеш эки команда үчүн тең оор болду. Кыргыз футболчулары жеңилип калганы менен, мыкты болду деп айтсак болот. Белгилей кетсек, Түштүк Корея курамасы Азия Кубогунун жана Дүйнө чемпиондугунун бир нече жолку катышуучусу болсо, Кыргыз курама командасы алгачкы жолу Азия Кубогунда катышууда.
Беттештин хронологиясы бул шилтемеде, ал эми фоторепортажды бул жактан көрсөңүз болот.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Мунот жарабайт дедида