Бишкекте жөө жүргүнчүнү унаа сүзүп, ал ооруканага жеткирилди

Бишкекте айдоочу жөө жүргүнчүнү сүзүп кетти. Бул тууралуу бүгүн, 13-январда SUPER.KG порталына "Тез жардам" кызматынан билдиришти.

Маалыматка ылайык, жол кырсыгы кечээ, 12-январда болжол менен саат 14:00 чамасында болгон. Анда Ахунбаев менен Табалдиев көчөлөрүнүн кесилишиндеги жөө адамдар өтүүчү тилкеден өтүп бараткан жөө жүргүнчүнү Субару Форестер үлгүсүндөгү унаанын айдоочусу сүзүп кеткен.

"Жол кырсыгынан жабыркаган 29 жаштагы жаранга алгачкы медициналык жардам көрсөтүлүп, ооруканага жеткирилген", - деп билдиришти мекемеден.

Ал эми унаа айып пул төөлөчү жайга токтотулуп, учурда бул факт боюнча иликтөө иштери жүрүүдө.