Супер-Инфо
super.kg видео
Иранда кулаган учак Бишкектен 30 тонна эт ташып бараткан
Иранда кулаган учак Бишкектен эт ташып бараткан. Бул маалыматты SUPER.KG'ге "Манас" аэропортунун басма сөз катчысы Алия Курбанова тастыктады. Анын айтымында, учак бортунда 30 тонна мал эти болгон.
"Boeing 707 учагы Бишкектен эт жүктөп кеткени чын. Анда жалпы 30 тонна мал эти болгон. Бирок эмне малдын эти болгону бизге белгисиз", - деди Курбанова.
Өкмөткө караштуу Ветеринардык жана фитосанитардык коопсуздук боюнча инспекциясынын басма сөз кызматынын өкүлү Рахат Садырбекованын билдиргенине таянсак, 11-январда Иранга 30 тонна кой этин ташып кетүүгө уруксат берилген.
Бүгүн 14-январдын таңында Бишкектен учуп чыккан Boeing 707 учагы Ирандын Карадж шаарындагы "Пайам" аэропортуна конуу үчүн бараткан. Бирок катачылыктан улам учкуч ошол эле шаардагы "Фатх" аэропортуна бет алган. Маалыматтарга караганда, учкуч учакты башкара албай калып, конуучу тилкеден чыгып калк жайгашкан районго кирип кеткен. Иран ЖМКлары учактын бортундагы 16 экипаж мүчөсүнүн бирөө гана аман калганын жазды.
кошулду
Бишкектен чыккан учак Тегеранда кырсыкка кабылды
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
16:29
2025-06-24
15:38
2025-06-24
Рейтинг: 
0
0
Изилдөө жүргүзсүн күнөөлүү адам жооп берсин жүктүн ээси???
Мынча тоннна эттердин канчасы кетти болду экен...
28жылдан бери 120 койлорго закон иштебей эле келет.Кечээ чыккан мыйзам 1 январда түкүрүк боюнча штраф төлөп жатышат карапайым калкты азапка салып. Өздөрү жатат элдин бетине олчойтууп сасытып бүттү чы..п!!!