Ким Кардашьян бриллиант тиштүү болуп сынга кабылды

АКШдагы белгилүү реалити-шоунун жылдызы, фотомодель, актриса жана "интернет ханышасы" Ким Кардашьян жакында эле жеке баракчасындагы катталуучуларын бриллиант тиштери менен таң калтырды. Бул тууралуу чет элдик маалымат булактары жазып чыгышты.

Маалым болгондой, Кардашьян алдыңкы тишин кымбат баалуу таштар менен кооздогон. Ал эми үстүңкү бөлүгү крест формасында жасалган.

Ал эми Ким Кардашьяндын күйөрмандары анын бул жоругун жактырышкан эмес. Себеби мындан мурун ал каптама тиштери менен мактангандан кийин аз өтпөй эле аны тоноп кетишкен.

2016-жылы Ким Кардашьян Парижге мода жумалыгына келип, уурулардын курмандыгы болгон. Бир нече белгисиз кишилер ал түнөгөн мейманканага кирип, Кардашьянга тиешелүү баалуу буюмдарды алып, из жашырып кетишкен. Жоголгон буюмдардын жалпы баасы Париждеги 20 жыл ичиндеги эң ири тоноолордун бири деп табылган, башкача айтканда, модель 9 миллион евролук чыгымга учураган.