Арнольд Шварценеггер жакын арада күйөө балалуу болот

39 жаштагы Крисс Прэтт менен 29 жаштагы Кэтрин Шварценеггердин сүйүү мамилесинде экендиги белгилүү. Ал эми мындан бир нече саат мурун Крисс Кэтрин сүйүктүүсүнүн колун сураганын жеке баракчасына маалымдады. Бул тууралуу чет элдик маалымат булактары жызып чыгышты.

Белгилүү болгондой, Кэтрин белгилүү актёр Арнольд Шварценеггердин кызы.

Ал эми Прэтт болочоктогу жубайын кучактаган сүрөтүн жүктөп, ага: "Сүйүктүүм, Кэтрин! Менин сунушума макул болгонуңа абдан бактылуумун. Сага үйлөнүү тууралуу ой мени толкундатууда", - деп жазган.

Актёрдун кызы турмуш жолуна алгачкы ирет аттанып жатса, Прэтт буга чейин актриса Анна Фэриске үйлөнгөн жана андан 1 уулу бар. Алар 7 жыл чогуу жашаган соң эки айрым жолго түшүшкөн. Ага карабастан достук мамилени сактап калышкан.