Кыргызстандагы жатак үйлөрдү каржылоого 6 айда мамлекеттик бюджеттен 94,8 миллион сом бөлүнгөн

2013-жылдын 6 айында Кыргызстандагы жатак үйлөрдү каржылоого мамлекеттик бюджеттен 94,8 миллион сом бөлүнгөн. Социалдык өнүктүрүү министрлигинин басма сөз кызматынын маалыматына ылайык, бул көрсөткүч өткөн жылга салыштырмалуу 0,8 пайызга төмөн. Учурда республика боюнча 15 жатак үйлөрү бар, алардын 14ү мамлекеттик бюджеттен каржыланса, бирөө жергиликтүү бюджеттен акча менен камсыздалат. Бул жайларда учурда 2331 жаран бар. Алардын 758и карылар болсо, 1174ү психоневрологиялык диагноз менен келгендер, бул жарандардын 399у жаш балдар.