Орусияда көп кабаттуу үйдөгү газдын жарылуусунан каза болгондордун саны 5ке жетти

Орусиянын Ростов облусунда көп кабаттуу үйдө газ жарылган кырсыктан каза болгондордун саны 5ке жетти. Буга чейин белгилүү болгондой, бул кырсыктан 1 адам каза болуп, дагы 4 адам дайынсыз болуп жаткан. Бул тууралуу маалыматтарды орусиялык басылмалар жазууда.

Маалыматка ылайык, кырсык Ростов облусунун Шахты шаарында 14-январь күнү эртең менен 9 кабаттуу үйдө орун алган. Өзгөчө кырдаалдар боюнча кызматтын өкүлү билдиргендей, куткаруучулар бүгүн, 16-январда дайынсыз болуп жаткан 4 адамдын акыркысынын сөөгүн урандылар алдынан таап чыгышкан. Ушуну менен издөө иштери соңуна чыкты.

Айта кетсек, жарылуудан жабыркаган батирлерде 12 адам жашап келген. Алардын ичинен 7 адам куткарылып, бир адам каза болгон. Каза болгон аял 9-кабатта жашап келген, аны менен бирге күйөөсү жана баласы болгон. 9-кабатта жашаган дагы бир аял, ошондой эле 8-кабатта жашаган 3 адам дайынсыз болуп жатышкан. Андан сырткары дагы 5 адам куткарылган.