Дүйнө жүзүндө кеңири тараган эки кесип жок болуп кетүү коркунучунда экени айтылууда

Дүйнө жүзүндө кеңири тараган 2 кесип жок болуп кетүү коркунучунда. Бул тууралуу чет элдик басылмалар "Singularity University" компаниясынын башчысы Евгений Кузнецовдун сөзүнө таянып жазып чыгышкан.

Евгений Кузнецов жакынкы 5-10 жылдын ичинде сатуучулук жана айдоочулук кесиптер жоголот деп билдирген. Ал мындай пикирин "Культура" телеканалынын берүүсүндө айткан. Ал сатуучулук жана айдоочулук кесиптерди роботтор тез өздөштүрүп кете аларын билдирген. Мындан улам 10 жыл аралыгында бул кесиптер толугу менен роботторго өтүп, көп адамдар ишсиз калат деген оюн айткан.

Буга чейин Англиянын Улуттук саламаттыкты сактоо кызматы медицинага роботтордун жөндөмдүүлүгүн медицинада текшерип көрүү үчүн массалык эксперимент жасай баштаган. Бул эксперименттин алкагында дарыгерлердин ордун робот дарыгерлер менен алмаштыруу пландалып жатканын батыш маалымат булактары жазып чыккан.