Астротөлгө: 17-январда төрөлгөн адамдардын амбициясы күчтүү болобу?

Бул күнү төрөлгөндөр амбициялуу жана эмгекчил келишет. Өз күчү менен бийиктикке жеткени, профессионалдуулугу, иш билгилиги менен башкаларга үлгү болушат. Бийликке умтулганды, башкарганды эңсеген бул адамдар көп учурда каалаганына жетишет.

Токтоо, акылдуу жана ишенимдүү. Ошондой эле тартипти бала чагынан жашоо образынын бир бөлүгү катары карагандыктан булар аткарыла турчу ишти, максаттарын пландап, кайсы күнү аткарылышы керек экенине чейин белгилеп турушат.

Ал эми сезимдер жаатында бир көрүп сүйүп калууга ишенишпейт. Эгер өзүнүн сезимине толук ишенсе камкор түгөй боло алышат.

Бул күнү төрөлгөн атактуу мырзалардын катарында төкмө акын Элмирбек Иманалиев, ырчы Замир Арыкбаев, америкалык мушкер Мухаммед Али, орусиялык белгилүү ырчы Игорь Николаев бар болсо, айымдардан америкалык актрисалар Сюзанна Хоффс жана Зоуи Дешанель да ушул күнү жарык дүйнөгө келген.