Супер-Инфо
super.kg видео
ЭЛДИК КАБАР: "Лейлекте унаа 30 метр бийиктиктен кулап, ичиндеги 3 адам тең аман калды" дейт окурман
Лейлек районунун Интернационал-Кайрагач унаа жолунда Жигули унаасы 30 метр бийиктиктен төмөнгө кулап түштү. Мындай маалыматты окурман SUPER.KG порталына билдирип, унаанын ичинде 3 жүргүнчү бар экенин, алар аман калганын белгиледи.
Анын билдирүүсүнө ылайык, кырсык бүгүн, 17-январда болгон. Унаа такси кызматын көрсөткөндүктөн ичинде айдоочу менен чогуу 2 жүргүнчү келе жаткан.
"Бактыга жараша, Кудайдын колдоосу менен, ушундай бийик жерден куласа да баары аман калышты. Өтө оор эмес жаракаттарды алышкан, жабырланган адамдарды аймактык ооруканага жеткиришти. Кырсыктын себеби белгисиз. Жүргүнчүлөрдүн бири кош бойлуу аял деп айтылууда", - деп билдирди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |