Футбол боюнча Азия Кубогунун плей-офф баскычына өткөн бардык командалар аныкталды (тизме)

Футбол боюнча Азия Кубогунун плей-офф баскычына чыккан бардык командалар аныкталды. Анда 17-январда Бириккен Араб Эмираттарында тайпалык баскычтын соңку беттештери орун алган. Бул күнү мелдештин "Е" жана "F" тайпаларынын оюндары өттү.

"Е" тайпасында Сауд Арабиясы менен Катар жана Ливан менен Түндүк Кореянын курама командаларынын беттештери өттү. Катар курамасы Сауд Арабиясынын дарбазасына 2 гол киргизип жеңишке жетсе, Ливан курамасы 4:1 эсебинде Түндүк Кореяны жеңип алды.

"F" тайпасында Япония-Өзбекстан менен Оман-Түркмөнстан беттештери өттү. Япония командасы Өзбекстанды 2:1 эсебинде утуп алса, Оман курамасы Түркмөнстанды 3:1 эсебинде утту.

Муну менен Азия Кубогунун тайпалык баскычы жыйынтыкталып, жарым чейрек финалга өткөн бардык командалар аныкталды. Белгилүү болгондой, мелдештин 1/8 финалына ар бир тайпадан 1-2-орунду ээлеген жана 3-орунду ээлеген 4 курама команда өттү.

Кыргыз улуттук курама командасы Азия Кубогунда "С" тайпасында жайгашкан. Кыргыз футболчулары Кытай менен ойноп 1:2 эсебинде жеңилип, 2-турда Түштүк Кореяга 0:1 эсебинде утулуп калган. 3-турда футболчуларыбыз Филиппин курама командасы менен беттешип, 3:1 эсебинде утуп алышкан. Бул беттеште 3 голду тең Виталий Люкс киргизип, өзүн мыкты көрсөттү.

Кийинки беттешти Кыргыз улуттук курама командасы Бириккен Араб Эмираттарынын курама командасына каршы өткөрөт. Беттеш 21-январда Абу-Даби шаарындагы "Зайед спорт сити" стадионунда орун алат.

Ошентип футбол боюнча Азия Кубогунун жарым чейрек финалына төмөнкү командалар өттү:

• "А" тайпасы:
  • 1-орундан: Бириккен Араб Эмираттары - 5 упай (киргизген голдордун саны - 5);
  • 2-орундан: Таиланд - 4 упай (киргизген голдордун саны - 4);
  • 3-орундан: Бахрейн - 4 упай (киргизген голдордун саны - 3);
• "В" тайпасы:
  • 1-орундан: Иордания - 7 упай (киргизген голдордун саны - 3);
  • 2-орундан: Австралия - 6 упай (киргизген голдордун саны - 6);
• "С" тайпасы:
  • 1-орундан: Түштүк Корея - 9 упай (киргизген голдордун саны - 4);
  • 2-орундан: Кытай - 6 упай (киргизген голдордун саны - 5);
  • 3-орундан: Кыргыз өлкөсү - 3 упай (киргизген голдордун саны - 4);
• "D" тайпасы:
  • 1-орундан: Иран - 7 упай (киргизген голдордун саны - 7);
  • 2-орундан: Ирак - 7 упай (киргизген голдордун саны - 6);
  • 3-орундан: Вьетнам - 3 упай (киргизген голдордун саны - 4);
• "Е" тайпасы:
  • 1-орундан: Катар - 9 упай (киргизген голдордун саны - 10);
  • 2-орундан: Сауд Арабиясы - 6 упай(киргизген голдордун саны - 6);
• "F" тайпасы:
  • 1-орундан: Япония - 9 упай (киргизген голдордун саны - 6);
  • 2-орундан: Өзбекстан - 6 упай (киргизген голдордун саны - 7);
  • 3-орундан: Оман - 3 упай (киргизген голдордун саны - 4);