Испания: Мелдеште 20 мүнөттө 6 литр сыра ичем деп бир адам каза болду

Испанияда майрамдардын бириндеги сынакта 20 мүнөттүн ичинде 6 литр сыра ичкен адам, күтүүсүз каза тапты. Өлкөнүн ММКлары жарыялагандай, майрамдык сейилдөө Мурсия провинциясындагы Хеа-и-Труйольс кыштагында өткөн. Мурсия шаарындагы ооруканалардын биринин күзөтчүсү сыра ичүү сынагына катышып көрүүнү чечип, жыйынтыгында жеңүүчү болду. Сынактын шарты - 20 мүнөт токтобой сыра ичүү болгон. Ар ким алынын жетишинче сыра ичишти, 45 жаштагы күзөтчү 6 литрди түгөткөн. Ичип болгон соң ал дароо өзүн жаман сезип баштаган. "Ал отурган отургучтан чалкалай баштаганда, мен жана жанымда турган бир нече адам кулатпай кармап калдык",- деп билдирди окуянын күбөсү. Тез жардам аркылуу ооруканага жеткиче анын жүрөгү токтоп калды, өлүмдүн себебин полиция иликтөөдө. Ал эми майрам белгиленип жаткан аймакта 3 күндүк аза күтүү жарыяланды.  

Айта кетсек, мындай окуя Испанияда биринчи болуп жаткан жок. 2008-жылы "Ким көп ичет?" аттуу сынакка катышкан 22 жаштагы студент жарым литр күчтүү алкогол ичимдигин ичүүдөн улам көз жумган.