Чүй облусунун 54 жаштагы тургуну дайынсыз болуп изделүүдө

Чүй облусунун 54 жаштагы тургуну Пичулист Наталья Владимировна дайынсыз болуп жатканын облустук милициядан кабарлашты. Маалым болгондой, ал 7-январь күнү саат 22:00 чамаларында Аламүдүн районундагы үйүнөн чыгып кетип, ошол бойдон кайрылып келген эмес.

Дайынсыз болуп жаткан адамдын туугандары милицияга кайрылып, учурда издөө иштери жүрүп жатат.

Пичулист Наталья Владимировнанын бою 160-165 сантиметр, чачы кара, кой көз, кырдач мурун. Үйдөн чыгып бараткан учурда башында көк түстөгү топу, үстүнө күрөң түстөгү күрмө, ачык түстөгү шым, бутунда кара түстөгү кепич болгон.

Өзгөчө белгилери: эки бутунун тизесинин ылдый жагында операциядан калган тырыктары бар.

Эгерде сүрөттөгү адамды көрүп-билгендер болсо, 0(312) 36-35-27, 36-35-23, 0550 51 09 05, 0704 31 25 05, 0550 34 33 63 телефон номурларына же 102ге чалып кабарлап койсоңуздар болот.