Супер-Инфо
super.kg видео
"Бикиничен саякатчы" атка конгон 36 жаштагы тайвандык У Цзиюнь бийик чокуга чыгып, тоңуп каза болду. Ал Тайвандагы Юйшань чокусуна чыкканда каза болгонун чет элдик басылмалар жазып чыгышты.
Белгилүү болгондой, 11-январда У Цзиюнь адаттагыдай эле бикинисин кийип алып, Тайвандагы эң бийик Юйшань чокусун багындырууга жол тарткан. Бирок 8 күндөн кийин саякатчы кыз куткаруучуларга байланышка чыгып, 20 метр бийиктиктен кулап, өз алдынча чыгууга чамасы келбей жаткандыгын кабарлаган.
Жергиликтүү куткаруучулар 3 жолу тик учак жөнөтүүгө аракет кылышкан. Бирок жаан-чачындуу аба ырайына байланыштуу тик учак Юйшань чокусуна бара алган эмес. Жыйынтыгында кызды куткаруу үчүн альпинисттерден куралган эки топ жөнөтүлгөн. Тилекке каршы, алар саякатчы кыздын жансыз денесин табышкан. У Цзиюнь катуу сууктан улам каза болгон. Алдын ала маалыматтар боюнча, ал катуу суукта 40 саат жатып калган.
У Цзиюнь жергиликтүү маалымат каражаттарына берген маегинде саякатка чыгып, бикиничен сүрөткө түшүү оюндун шарты болгонун айткан. Ал достору менен оюн ойноп, жеңилип калган. Ал эми жеңилип калган оюнчу бийик тоолордун чокусуна чыгып, бикиничен сүрөткө түшүшү керек деген шарт коюлган. 4 жыл аралыгында У Цзиюнь 100гө жакын чокуга чыгып, 97 жолу сүрөткө түшкөн.
