Кытайда блоггер кыз ийгиликсиз жасалган пластикалык операциядан улам өз жанын кыйды

Кытайдын чыгыш тарабында жайгашкан Аньхой провинциясынын 23 жаштагы тургуну ийгиликсиз жасалган пластикалык операциядан улам өз жанын кыйды. Бул тууралуу чет элдик маалымат булактары жазып чыгышты.

Маалым болгондой, каза болгон кыз социалдык тармактарда Лю аттуу лакап аты менен белгилүү. 2018-жылы Лю жеке баракчасындагы катталуучуларынын санын көбөйтүү максатында келбетин өзгөртүүнү чечкен. Операция ийгиликсиз өткөндүктөн ал үйүнөн чыкпай калган, анысы аз келгенсип, жигити да таштап кеткен. Мындан улам Лю өз жанын кыйган.

Буга чейин Лю өз жанын кыярдан 1 күн мурун аны күйүп жаткан имараттын 18-кабатынан куткарышкан. Куткаруу учурунда ал жүзүн колу менен бекитип, аны бирөө-жарым көрүүсүн каалабаганын айтып кыйкырган. Блоггер кыз буга чейин эле бир нече ирет өз жанын кыюуга аракет кылгандыгы маалым болду.

Учурда Кытайда пластикалык операцияга кайрылгандардын саны өсүүдө. Муну алар калктын кирешесинин өскөндүгү менен жана социалдык тармактардагы идеалдуу келбеттин таасиринен улам деп айтышууда.