Асеин Исаев Кыргыз өлкөсүнүн Индиядагы элчиси болуп дайындалды

Тектеш кабарлар: 2019-жыл ичиндеги кадрдык өзгөрүүлөр (95 материал)

Асеин Исаев Кыргыздын Индиядагы элчиси болуп дайындалды. Бул тууралуу Президенттик аппараттын маалыматтык саясат бөлүмү билдирди.

Тийиштүү буйрукка өлкө башчы Сооронбай Жээнбеков кол койду.

Исаев 2010-жылдан 2013-жылга чейин Тышкы иштер министрлигинде статс-катчылык кызматты аркалап келген. 2014-жылы Кыргыз Республикасынын Бельгиядагы элчиси, кийин Франциядагы жана Бенилюкс өлкөлөрүндөгү элчиси болуп келген.

Өмүр баяны:

Асеин Исаев 1963-жылы 22-декабрда Фрунзе шаарында туулган.

Жогорку билимдүү.

1981-1986-жылдары Екатеринбург шаарындагы М.Горький атындагы Урал мамлекеттик университетинин философия факультетин аяктаган;

1989-1992-жылдары Москва шаарындагы М.Ломоносов атындагы Москва университетинен аспирантураны окуган. Философия илимдеринин кандидаты.

1986-1989-жылдары Ош мамлекеттик педагогикалык университетинде мугалим;

1994-1995-жылдары Тышкы иштер министрлиги, КМШ башкармалыгы, атташе, үчүнчү катчы;

1995-1998-жылдары Кыргыз Республикасынын Казакстандагы элчилиги, экинчи катчы;

1999-2001-жылы Президенттин администрациясы, президенттин маалымат кызматы, референт;

2001-2002-жылдары Тышкы иштер министрлиги, эл аралык коопсуздук башкы башкармалыгы, жетекчи;

2002-2005-жылдары Кыргыз өлкөсүнүн Индиядагы элчилиги, кеңешчи;

2005-жылы Тышкы иштер министрлиги, эл аралык экономикалык кызматташууну пландоо башкармалыгы, жетекчинин орун басары;