Москвада дем алыш күндөрү бийиктиги жарым метрге чейин жеткен кар жаашы күтүлүүдө

Москвада келе жаткан дем алыш күндөрү катуу кар жаашы күтүлүүдө. Бул тууралуу бүгүн, 25-январда орусиялык басылмалар жазып чыгышты.

Маалыматка ылайык, Москвада 26-27-январь күндөрү катуу кар жаап, абанын температурасы кескин төмөндөп, түнкүсүн -18-20° градуска чейин суук болуусу күтүлөт.

"Синоптиктер бул жуманын аягында күтүлүп жаткан аба ырайы суук болуп жана калың кар жаашын билдиришкен. Ошондой эле 28-январь күнү да абанын температурасы төмөндөшү күтүлөт. Келе жаткан жумада суук аба ырайы сакталат. Жаай турган кардын бийиктиги 20-25 сантиметрден жарым метрге чейин жетиши күтүлүүдө. Алдын ала берилген маалыматка ылайык, эртең 26-январда саат 12:00 чамасында жаап баштаган кар 28-январь күнү эртең менен токтойт", - деп айтылат маалыматта.