Улуу Британиянын тургуну өзүнүн жуурканына турмушка чыгат

Улуу Британиянын Эксетер шаарынын тургуну өзүнүн жуурканына турмушка чыгат. Бул тууралуу чет элдик маалымат каражаттары жазып чыкты.

Маалыматка ылайык, той 10-февралга белгиленген. Өзүнүн одеялосу менен турмуш курууну чечкен 49 жаштагы Паскаль Селлик тоюна каалоочулардын баарын чакырган.

“Мен жуурканымды аябай жакшы көрөм. Мага керектүү учурда ал дайыма жанымда болгон. Анан дагы ал мени менен кучакташып, дайыма менин колдоочум болуп келет. Менин тоюма келүүчүлөр пижама же төшөккө кийип жатуучу кийими менен келиши керек. Ошондой эле жумшак оюнчуктарын ала келсе болот”, - деп билдирген турмуш жолуна аттана турган аял.

Жансыз буюмдарга болгон сексуалдык жана эмоционалдык кызыгуу дарты объектофилия деп аталат. Буга чейин Швециянын Эклоф Берлинер-Мауэр аттуу тургуну 1979-жылдан баштап өзүн "Берлин дубалынын" жубайымын деп коомчулукка жар салган. Ошондой эле 2007-жылы америкалык Эрика ЛаБри аттуу аял Эйфель мунарасына турмушка чыкканын айтып чыккан.