Окумуштуулар коңуруктун үнүн басаңдаткан жаздык чыгарышты

Окумуштуулар коңуруктун үнүн басаңдаткан жаздыкты ойлоп чыгарышты. Бул тууралуу чет элдик басылмалар АКШнын Иллинойс университетинин ойлоп табуучуларынын маалыматына таянып жазып чыгышкан.

Белгилүү болгондой, жаздыктын ичинде динамика, 3 микрофон жана үндү фильтрлөөчү жабдыктар бар. Ал жабдыктар коңуруктун үнүн басаңдатат. Мындан улам жанындагы адамдарга коңуруктун үнү билинер-билинбес абалда угулат.

"Үндүн бийиктигин басаңдатуучу акустикалык системдер буга чейин деле колдонулуп келген. Бирок алар коңуруктун үнүн толугу менен басаңдата алган эмес. Мисалы, азыркы иштеп чыккан жаздык коңуруктун үнүн 30-31 децибелге чейин басаңдатса, буга чейинкиси 22 децибелге чейин басаңдата алчу", - деген окумуштуулар тобу.

Коңуруктун дабышынын бийиктиги 50-60 децибелди түзөт.