Супер-Инфо
super.kg видео
Бекназаров, Келдибеков, Дүйшөбаевдин сотко жазган арызынын негизинде "Апрель" телеканалынын башчысы суракка чакырылды
Саясатчылар Азимбек Бекназаров, Ахматбек Келдибеков жана Кеңешбек Дүйшөбаев экс-президент Алмазбек Атамбаевди жана "Апрель" телеканалын сотко берип, 18 миллион сом талап кылганы боюнча сот иши башталар алдында турат. Маалыматты "Апрель" ЖЧКсынын директору, журналист Дмитрий Ложников социалдык тармактардын бирине жазып, соттон келген чакыруу катынын сүрөтүн илди.
Анда белгилүү болгондой, саясатчылардын арызынын негизинде Бишкек шаарынын Октябрь райондук соту Ложниковду 30-январга соттук суракка чакырган.
Белгилей кетсек, буга чейин жогоруда аттары аталган саясатчылардын ар бири Алмазбек Атамбаевден жана "Апрель" телеканалынан 3 миллион сомдон талап кылып жатышканы маалымдалган. Жалпы сумма 18 миллион сомду түзөт.
"Апрель" телеканалынын директору Дмитрий Ложников экс-президент менен болгон маекте айтылган маалыматтар төгүнгө чыгарылбай, аларды сотко берген саясатчылар менен соттошууга даяр экенин маалымдаган.
Экс-президент Алмазбек Атамбаев "Апрель" телеканалына берген интервьюсунда Азимбек Бекназаров жана Кеңешбек Дүйшөбаев өлкөдөгү ыңкылыптардан пайда көрүүнү эңсеп турганын жана Ахматбек Келдибековдун коррупциялык иштерге тиешеси бар экенин белгилеген. Мындан улам алар бул маалыматтын негизинде "Апрель" телеканалын жана телеканалдын эфири аркылуу интервью берген экс-президент Алмазбек Атамбаевди сотко беришкен. Экс-президенттин маеги бул шилтемеде.
-1
Бугунку кундо накта жалган маалыматтарды Сооронбай Жээнбековтор таратып жатышат. Атамбаев баардык нерсени бетке айткан адам. Бекназаровго окшогон эргуулдар Жээнбековтун куйруктары. Атамбаев азамат. Эл ар дайым сени колдойт.