Азия Кубогу: Финалда Катар менен Япония курама командалары беттешет

Бириккен Араб Эмираттарында өтүп жаткан футбол боюнча Азия Кубогунун финалында Катар менен Япония курама командалары кездешет.

Кечээ, 29-январда Абу-Даби шаарында Катар курама командасы жарым финалдын алкагында талаа ээлери БАЭ курамасын ири эсепте жеңип алып финалга чыккан. Ал эми 28-январда Япония менен Иран курамалары кездешип, япониялыктар 3:0 эсебинде жеңишке жеткен.

Эми Азия Кубогунун финалында Катар менен Япония курама командалары кездешет. Оюн 1-февраль күнү Абу-Даби шаарындагы "Зайед спорт сити" стадионунда өтүп, Бишкек убактысы боюнча саат 20:00дө башталат.

Азия Кубогу Бириккен Араб Эмираттарында 5-январда башталып, 1-февралга чейин уланат. Мелдешке Кыргыз өлкөсү алгачкы жолу катышып, тайпалык баскычта Кытай, Түштүк Корея жана Филиппинге каршы ойноп, 3 упай топтоо менен жарым чейрек финалга чыга алды. 1/8 финалда "Ак шумкарлар" талаа ээлери болгон БАЭ курамасынан 2:3 эсебинде жеңилүү ызасын тартып, мелдештен четтеп калышкан.