Супер-Инфо
super.kg видео
ЭЛДИК КАБАР: "Ошто жол кыймылынын коопсуздугун камсыздоочу кызматкер өзү эреже бузганын айтсам, мени сөгүп аброюма шек келтирди" дейт окурман
"Ош шаарында Жол кыймылынын коопсуздугун камсыздоо башкармалыгынын кызматкери унаасын тыюу салынган жерге токтотуп алыптыр. Ага бул жоругу тууралуу айтсам, кайра мени сөгүп салды". Мындай маалыматты окурман "ЭЛДИК КАБАРГА" билдирди.
"Унаа токтотууга уруксат жок жерге унаасын токтотуп коюп, телефон оңдогон жерге кирип кетти. Айдоочу формачан, жол кыймылынын коопсуздугун камсыздоочу инспектор экен. Чыккандан кийин "унаа токтотууга уруксат жок жерге коюп койдуңуз, бул мыйзам бузуу" деп эскерттим. Ал мени оозго алгыс сөздөр менен орусча-кыргызчалап сөгүп алып кетип калды. Укук коргоо кызматкерлери ушинтип укугубузду бузуп, жол кыймылынын коопсуздугун камсыздоочу органдар минтип өздөрү эреже бузган, мыйзам иштебеген өлкөдө жашап жатабыз", - дейт окурман.
Чындыгында, сүрөттө көрүнүп тургандай, инспектор унаа токтотууга мүмкүн эмес экенин белгилеген жол белги турса да унаасын токтотуп койгон.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Бир чети ошону ойлонуп бети менен номурун жаптыңда.