WhatsApp`тын колдонуучулары өчүрүлгөн каттарды кайра калыбына келтирүү мүмкүнчүлүгүн таап алышты

WhatsApp мессенжеринде колдонуучу тарабынан өчүрүлгөн каттарды эми окууга мүмкүн болот. Бул тууралуу чет элдик басылмалар жазып чыкты.

Белгилүү болгондой, өчүрүлгөн каттарды калыбына келтирүү коргоо үчүн көчүрүп алуу функциясы аркылуу ишке ашырылат. Бул резервдик көчүрүү функциясы WhatsApp тиркемесинде иштеп чыгуучу тарабынан башынан эле орнотулган. Өчүрүлгөн билдирүүлөрдү калыбына келтирүү үчүн алгач уюлдук телефондон WhatsApp мессенжерин өчүрүп, андан кийин кайра көчүрүү керектелет. Тиркемени өчүрүп кайра көчүргөн учурда маектеш менен болгон жазуулар, аудиолор, анын ичинде өчүрүлгөн билдирүүлөрдүн архиви да калыбына келет. Ошондой эле билдирүүлөрдүн мурда өчүрүлгөндүгү билинбей калат.

Өчүрүлгөн билдирүүлөрдү калыбына келтирүү үчүн тиркеме же телефон жаңыланбаган болуш керек. Бул ыкма iPhone, Android системдери үчүн иштейт.

Буга чейин WhatsApp тиркемесинин түзүүчүлөрү СМСти "бардыгынан өчүрүп салуу" жаңы функциясын киргизген. Ага ылайык СМСти өчүрүү үчүн 1 саат 8 мүнөт убакыт берилген.