2018-жылдын 12 айында республикалык бюджеттин чыгашасы 141 миллиард 939,5 миллион сомду түздү

2018-жылдын январь-декабрь айларында республикалык бюджеттин чыгашасы 141 миллиард 939,5 миллион сомду түздү. Бул тууралуу Финансы министрлигинин басма сөз кызматы кабарлады.

Анда социалдык чөйрөгө кеткен чыгымдар 71,2 миллиард сом болгон. Бул жалпы чыгашанын 50,2 пайызын камтыйт. Жалпы багыттагы мамлекеттик кызматтарга 36,1 миллиард сом кеткен (25,4 пайыз).

Экономикалык маселелерге 13,8 миллиард сом (9,7 пайыз); Турак жай жана коммуналдык тейлөөлөр 1,6 миллиард сом (1,2 пайыз); Айлана-чөйрөнү коргоо 903,7 миллион сомду (0,6 пайыз) түзөт.

Кассалык чыгым кассалык планга салыштырмалуу 99,2 пайызга аткарылган.