Опера жана балет театрынын башкы директору болуп Керим Турапов дайындалды

Кечээ, 30-январда Абдылас Малдыбаев атындагы Опера жана балет театрынын башкы директору Болот Осмонов кызматынан кетүү тууралуу арызын жазган.

Бүгүн, 31-январь күнү Кыргыз Республикасынын премьер-министри Мухаммедкалый Абылгазиев Болот Осмоновду кызмат ордунан бошотуу тууралуу буйрукка кол койду.

Ал эми Опера жана балет театрынын башкы директору болуп Токтогул Сатылганов атындагы Улуттук филармониянын мурунку директору Керим Турапов дайындалды.

Эске салсак, 19-январь күнү Абдылас Малдыбаев атындагы Опера жана балет театрында Dota 2 компьютердик оюну боюнча турнир өткөн. Компьютердик оюндун маданий жайда өткөнүнө көпчүлүк эл нааразы болуп, сын айтып чыгышкан.
Буга байланыштуу министр атайын комиссия түзүп, анда Опера жана балет театрынын жетекчисинин жоопкерчилиги карала турганын айткан.