Ысык-Көлдө ӨКМнын кызматкерлери арасында “Стихия-2013” аттуу эл аралык машыгуу болот

20-июль күнү өзгөчө кырдаалдар министри Кубатбек Боронов ШКУга мүчө мамлекеттердин Өзгөчө кырдаалдар министрликтеринин катышуусунда сентябрь айында өтө турган “Стихия-2013” аттуу эл аралык машыгууга карата көрүлүп жаткан даярдыктар менен таанышты. Бул тууралуу ӨКМнын басма сөз кызматы билдирди. Аталган машыгуу Ысык-Көл районунун Тамчы айылында өткөрүлөт. 25-июль күнү иш-чараны уюштуруу жана өткөрүү маселелерин кароо үчүн ШКУга мүчө мамлекеттерден эксперттердин келиши күтүлүүдө.