Өмүрбек Суваналиев Коопсуздук кеңешинин катчысынын орун басары болуп дайындалды

Өмүрбек Суваналиев Кыргыз Республикасынын Коопсуздук кеңешинин катчысынын орун басары болуп дайындалды. Бул тууралуу президенттик аппараттын маалыматтык саясат бөлүмүнөн бүгүн, 4-февралда кабарланды.

Маалыматка ылайык, тиешелүү буйрукка президент Сооронбай Жээнбеков кол койду.

Өмүрбек Суваналиев 58 жашта, 1981-жылы СССР ИИМинин алдындагы Караганды облусундагы жогорку окуу жайды аяктаган.

Эмгек жолун Талас ОИИБинде 1981-жылы опер-кызматкери катары баштап, ал жерде 1986-жылга чейин эмгектенген.

1986-1989 -жылдары Фрунзе шаарындагы Ленин РИИБинде башкы опер-кызматкери;

• 1989-1990-жылдары Аламүдүн РИИБиндеги Социалисттик менчиктерге кол салууга каршы күрөшүү бөлүмүнүн башчысы;

  1990-1991-жылдары Ысык-Көл ОИИБинин башчысынын орун басары, башчысы;
  1991-1992-жылдары Ысык-Көл РИИБинин башчысы;
  1994-1995-жылдары Кыргыз Республикасынын Өкмөтүнүн алдындагы Салык полициясынын ыкчам-тергөө башкармалыгынын башчысы;
  1995-1997-жылдары Жогорку Кеңештин депутаты;
  1997-1998-жылдары Ош облустук Улуттук коопсуздук комитетинин башчысы;
  2003-2005-жылдары Нарын ОИИБинин башчысы;
  2005-жылы Бишкек ШИИББинин башчысы, ошол эле жылы ички иштер министринин орун басары;
  2006-2007-жылдары ички иштер министринин милдетин аткаруучу;
  2008-2010-жылдары Нарын облусунун губернатору;
  2011-жылы Ош ОИИБинин башчысы болуп дайындалган;
  2011-жылы Кыргыз Республикасынын Президентин шайлоодо президенттикке талапкерлигин койгон. Милициянын отставкадагы генерал-майору.