Австралияда сулуулук салондогу адис таза эмес жабдууларды колдонуп, кардары 6 күндүн ичинде 5 ирет операция болгон

Австралиянын тургуну колуна маникюр жасатуу үчүн салонго барып, бармагынын учунан ажыраган. Бул тууралуу чет элдик маалымат булактары жазып чыкты.

Маалыматка ылайык, Стелла Фальконе аттуу айым сулуулук салондорунун бирине тырмагына кошумча көрк кошуу максатында барган. Бирок тырмак жасоочу адистин шалаакылыгынан улам Стелланын тырмагына инфекция кирип кетип, акыркы 6 күндүн ичинде 5 ирет операция болгон. Буга сулуулук салондогу жабдуулар таза болбогону себеп болгон.

Стелла Фальконе бул окуясы менен бөлүшкөн соң мындай кырдаалга туш болгон айымдардын саны көп экени аныкталган. Мисалы, Рита Павлис аттуу австралиялык айым маникюр жасатам деп бармагынын бир бөлүгүнөн ажыраганын айтып берген.

Ал эми салон ээси жабдуулардын тазалыгына өзгөчө көңүл бура турганын жана Стелла Фальконе бул окуяны ойлоп таап алгандыгын айткан.