ЖЫЛНААМА, 8-ФЕВРАЛЬ: Техника илимдеринин доктору Ильгиз Айтматов 88 жашка толду

Техника илимдеринин доктору Ильгиз Айтматов 1931-жылы 8-февралда Бишкек шаарында туулган.

1954-жылы Москвадагы Геология-чалгындоо институтун бүтүргөн. Геология башкармалыгынын геология-чалгындоо партиясында жана Кыргыз мамлекетиндеги Каменск экспедициясында инженер болуп иштеген. КСРБ Илимдер академиясынын Тоо-кен иштери боюнча инcтитутунда аспирантурада окуп, кийин Кыргыз КСР Илимдер академиясынын Физика жана тоо-тектеринин механикасы институтунда кенже илимий кызматкер, лаборатория башчысы, директордун илим боюнча орун басары, мүдүрү, Илимдер академиясынын физика-техникалык, математикалык жана тоо-кен геологиялык илимдер бөлүмүнүн академик-катчысы, Кыргыз улуттук илимдер академиясынын президенти болуп иштеп келген.

Ильгиз Айтматов техникалык илимдердин доктору, профессор. Кыргыз улуттук илимдер академиясынын академиги, корреспондент-мүчөсү, Эл аралык илимдер академиясынын мүчөсү.

150дөн ашык илимий эмгектин, анын ичинде 7 монографиянын автору. Кыргыз Республикасынын жана КСРБнын илим жана техника боюнча мамлекеттик сыйлыктарынын ээси, Илимге эмгек сиңирген ишмер, эл депутаты (1990-1995-жылдары), президенттик кеңештин мүчөсү (1990-1991-жылдары), илим, техника, өнөр жай, энергетика жана байланыш боюнча Жогорку Кеңештин Туруктуу комиссиясынын төрагасы (1990-1991-жылдары) болгон.

8-февралга карата жылнаама.